منتديات زقازيق نت  

تنوه إدارة منتديات زقازيق نت بأنه يمنع نشر أي مادة تنتهك الحقوق الملكة والفكرية وأي تعليق يسيئ إلي الأديان السماوية كما يمنع وضع أي محتوي يهتم بكسر حماية البرامج او يتعلق بالسريالات والكراكات وخلافه كما يمنع منعا باتاً اضافة أي محتوي جنسي او محتوي للمخدرات كما ستتعامل إدارة المنتديات بحزم في حذف أي محتوي مكرر أو منقول وسنسعي دائماً إلي نشر محتوي جديد وجيد علي هذا جري التنبيه


العودة   منتديات زقازيق نت > قسم المرأة بشبكة زقازيق نت > المرأة - البيت السعيد - ديكورات - مكياج - منتدي المرأة

المرأة - البيت السعيد - ديكورات - مكياج - منتدي المرأة كل ما يخص مملكة المرأة .. أمومة وطفولة ؛ المنزل السعيد ؛ الجمال ؛ وغيرها

تعلمي ربطات جديدة لحجابك

السلام عليكم ورحمة الله وبركاته أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل للكوافير والبحث عن قصة جديدة أو لون

إضافة رد
 
LinkBack أدوات الموضوع إبحث في الموضوع انواع عرض الموضوع
  #1 (permalink)  
قديم 06-02-2008, 10:53 PM
روح المنتدي ومشرفة سابقة
 
تاريخ التسجيل: 18 - 11 -2007
المشاركات: 6,811
معدل تقييم المستوى: 14
إيمي is on a distinguished road
Give Rose تعلمي ربطات جديدة لحجابك

السلام عليكم ورحمة الله وبركاته


أغلب البنات النهارده محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح

البديل للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة..

أشكال ربطات على هيئة تسريحة شعر "ضفيرة وكحكة"، وأما الأقمشة (دي فيها كلام كتير) "تل" و"شيفون" "وترتر"،


الصبح والضهر وفي كل وقت...



المعادلة الصعبة في كل الحاجات دي ازاي أكون محجبة أحترم "حجابي" وفي نفس الوقت شكلي حلو

"ستايل"




على الموضة ومش "مبهرج" ولافت للنظر لدرجة تثير انتقاد الآخرين..



نصائح ذهبية لكل بنت محجبة ازاي تتعامل صح مع الحجاب..


ألوان الموضة في الإيشاربات لصيف 2008؟



لون الطرحة حسب لون اللبس ولكن اللون البني هو الأساس السنة دي وبيدخل معاه البرتقالي, التركواز,



الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة


وتداخلها بيعطي نتيجة حلوه جداً..


هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟


تعلمي ربطات جديدة لحجابك 11ag3.jpg


لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة
السمراء


أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر

جداً"



ده كلام مش صحيح، النهارده مافيش لون صريح.. الروز له درجات مختلفة وموجودة في كل أنواع

المكياج،


كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون
مناسبة



ولا تعطي نتيجة عكسية



ازاي تختاري خامة أو قماش الإيشارب صح؟


نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها
حتى



لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة"..

ابعدي


عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير
،


الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن

الإيشارب



مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي

الإيشارب



وهتركنيه على جنب بعد ما غرمتي ثمنه.


نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها

مش مبهدل؟



تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار،


فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون

في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار

الإيشاربات الأقطان المخططة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد في كل مرة.


والتطريز البسيط يعطى جمال ورقة


تعلمي ربطات جديدة لحجابك 12dv9.jpg


أفكار لحجاب ممكن يناسب لفترة بعد الظهر أو بالليل؟


ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار



مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس


محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً

المناسب للمكان.



ازاي البنت المحجبة تختار الربطة المناسبة لشكلها؟


لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون

مرتاحة



ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول




هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها

مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع


ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان


تلم شعرهاكويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك

الشعر كله وتختار ربطة سهلة.


الربطة "الإسبانيش" موضة جداً، ازاي نربطها "صح" خطوة خطوة....؟



أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني
محروق



تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا
كويس


جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده
نبين


جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني


والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي


الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على حسب ذوق وشكل وجهك.


نصيحتى للف الطرح التقليدية؟


لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس



مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في

الأول.. كفاية لفة بسيطة.



ولو عاوزة تدخل ألوان في اللفة التقليدية؟



زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند


الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في


اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت.


تعلمي ربطات جديدة لحجابك 14in9.jpg

ممكن تلبس "بندانا" وتلف الطرحة، ونصيحتي بلاش وضع شريط بلاستيك في مقدمة الطرحة.. ممكن


تستخدمي "اسبراي نشا مخصوص للمكوى"، عشان تنشي الطرحة.



إيه رأيك في إضافة الضفيرة من قماش وعمل "الكحكة" بالربطة "الإسبانيش"؟


تعلمي ربطات جديدة لحجابك 15ol8.jpg

بصراحة لا أفضل الإضافات الكثيرة للحجاب طالما اخترتِ الحجاب عن قناعة لازم تكوني محتشمة وبسيطة في


نفس الوقت... لازم تتعاملي مع الحجاب وكأنه شعرك وتحبيه عشان شكلك يكون حلو فيه ولما توصلي للدرجة دي أكيد هتبتكري في الربطات أكثر


تعلمي ربطات جديدة لحجابك 16yi7.jpg

نصيحتى للعروسة المحجبة؟


تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر ازاي يكون شكلها



مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد



يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة.



اتمنى أن أكون افدتكــــــــــــــــم




Digg this Post!Add Post to del.icio.usBookmark Post in TechnoratiTweet this Post!
رد مع اقتباس
  #2 (permalink)  
قديم 06-03-2008, 12:38 AM
عضو شرف
 
تاريخ التسجيل: 11 - 11 -2007
الدولة: مصــــ sharkia ــــــــــر
المشاركات: 7,796
معدل تقييم المستوى: 15
Sister is on a distinguished road
افتراضي

الله

بجد لفات رووووووووووعة

ايوه كده علشان تشجعى البنات على لبس الحجاب

ميرسى اوى ياايمى
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
  #3 (permalink)  
قديم 06-03-2008, 11:05 AM
روح المنتدي ومشرفة سابقة
 
تاريخ التسجيل: 18 - 11 -2007
المشاركات: 6,811
معدل تقييم المستوى: 14
إيمي is on a distinguished road
افتراضي

مرورك وردك الأروع يا سيستــــــــــر
نورتيني يا عســـــــــل والله
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
  #4 (permalink)  
قديم 06-03-2008, 11:25 AM
زقازيقي ماسي
 
تاريخ التسجيل: 21 - 12 -2007
العمر: 24
المشاركات: 1,823
معدل تقييم المستوى: 9
raed foudeh is on a distinguished road
افتراضي

شايف انو الحجاب اصبح موضة
لا حول ولا قوة الا في الله

شكراً ايمي
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
  #5 (permalink)  
قديم 06-03-2008, 04:07 PM
روح المنتدي ومشرفة سابقة
 
تاريخ التسجيل: 18 - 11 -2007
المشاركات: 6,811
معدل تقييم المستوى: 14
إيمي is on a distinguished road
افتراضي

ربنا يهدى بنات المسلمين جميعــــــــاً

ميرسى لمرورك الجميــــــــــل روك
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
  #6 (permalink)  
قديم 06-18-2008, 09:48 PM
زقازيقي ماسي
 
تاريخ التسجيل: 26 - 3 -2008
الدولة: الجزائر
المشاركات: 1,276
معدل تقييم المستوى: 9
قمر الجزائر is on a distinguished road
افتراضي

مرسي يا ايمي
شـكــ وبارك الله فيك ـــرا لك ... لك مني أجمل تحية .
Digg this Post!Add Post to del.icio.usBookmark Post in TechnoratiTweet this Post!
رد مع اقتباس
إضافة رد

مواقع النشر (المفضلة)

الكلمات الدلالية (Tags)
لحياتك, تعلمى, جديدة, ربطات

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 12:29 PM.

Powered by vBulletin® Copyright ©2000 - 2015, Jelsoft Enterprises Ltd.
Search Engine Friendly URLs by vBSEO 3.5.2 TranZ By Almuhajir
جميع الحقوق محفوظة لمجتمع زقازيق نت